ජනවාරි 08ට වඩා ලොකු පෙරළියක් - මෛත්‍රී අනතුරු අඟවයි

ජනවාරි 08ට වඩා ලොකු පෙරළියක් - මෛත්‍රී අනතුරු අඟවයි
අලුත් පක්ෂයක් නිර්මාණය කළහොත් ඊට ගත යුතු ක්‍රියාමාර්ග ගැනීමට පසුබට නොවන බව ජනාධිපති මෛත්‍රීපාල සිරිසේන මහතා ශ්‍රීලනිප මැති ඇමතිවරුන්ට ප්‍රකාශ කර ඇතැයි දේශපාලන ආරංචි මාර්ග පවසයි.

ජනාධිපතිවරයා මේ බව සදහන් කර ඇත්තේ පසුගියදා කොළඹට කැදවා තිබූ ශ‍්‍රිලනිප සියලු ආසන හා දිස්ත‍්‍රික් නියෝජිතයින්ගේ හමුවේදීය. එහිදී ජනාධිපතිවරයා අවධාරණය කර ඇත්තේ අලුත් පක්ෂයක් හැදුවොත් ජනවාරි 08 වැනිදාට වඩා ලොකු පෙරළියක් කිරීමට තමා සූදානම් බවත් එම පක්ෂය පිහිටවූදාට තමන්ගේ වැඩ බලා ගත හැකි බවත්ය.

සිය මැතිවරණ ආසනවලට ගොස් ඉදිරි මැතිවරණය සඳහා තම තමන්ගේ හැකියාවෙන් වැඩකටයුතු කරන ලෙසත්, එහිදී කවුරු සහභාගී නොවුණද තමන්ගේ තමන් වැඩ තමන් විසින්ම සිදු කරන ලෙසත් ශ්‍රී ලංකා නිදහස් පක්ෂයේ පාර්ලිමේන්තු මන්ත්‍රීවරුන් ඇතුළු සියලු ආසන සංවිධායකවරුන්ට ජනාධිපතිවරයා උපදෙස් දී ඇත.

තමාගේ ගමන් හෙමින් ගමනක් බවත් එනිසා ඉදිරියේදී පක්ෂය වෙනුවෙන් ගන්නා තීරණ ගැන බලා සිටින ලෙසත් ජනාධිපතිවරයා එහිදී ප්‍රකාශ කර තිබේ.
Share on Google Plus

About විගස පුවත් 24x7

විගස පුවත් වෙබ් අඩවිය මෙරට දේශපාලන ප‍්‍රවෘත්ති පාඨක ජනතාවට සැපයීමේ අරමුණින් ක‍්‍රියාත්මක වන ප‍්‍රමුඛ පෙලේ වෙබ් අඩවියකි. අප වෙබ් අඩවිය ජාතිවාදයෙන් තොර සමස්ථ ලාංකිකයින්ටම පොදු අන්තර්ජාල පුවත් භාවිතයක නිරතවන බව අපි මෙසේ වගකීමෙන් දැනුම් දෙන්නෙමු. (බාහිර වෙබ් අඩවි වලින් ගනු ලබන තොරතුරු වල සත්‍යතාවය පිලිබදව අප වගකීම් නොදරන බව කාරුණිකව සලකන්න.)

0 comments:

Post a Comment