මාර්ග නීති උල්ලංඝනය කිරීම සම්බන්ධයෙන් නීතිය ක්රියාත්මක කිරීමේ බලය සියළු පොලිස් නිලධාරින්ට ලබාදෙන බව මහජන සාමය පිළිබඳ අමාත්යාංශය පවසයි. දැනට මාර්ග නීති උල්ලංඝනය කිරීම සම්බන්ධයෙන් නීතිය ක්රියාත්මක කිරීමේ බලය ඇත්තේ රථවාහන රාජකාරියේ නියුතු පොලිස් නිලධාරින්ට පමණය.
මේ පිළිබඳ පොලිස්පතිවරයා සමග ද සාකච්ඡා කර එකඟතාවයකට පැමිණ ඇති බවයි මහජන සාමය පිළිබඳ අමාත්යාංශයේ ලේකම් ටී.එම්.කේ.බී දිසානායක මහතා ප්රකාශ කළේය. මාර්ග තදබදය අවම කිරීම සඳහා පංචවිධ ක්රමවේදයක් හඳුන්වාදීමට ද පියවර ගෙන ඇත. මෙම ක්රමවේදයට, ත්රිරෝද රථ සහ යතුරුපැදි මාර්ගයේ වම් පැත්තෙන් පමණක් ගමන් කිරීම මෙන්ම වම් පැත්තෙන් තවත් වාහනයක් පසුකර යාමට ඉඩ නොදීම අන්තර්ගතය.
එසේම වාහන දෙකකට එකවර තවත් වාහනයක් පසුකර යාමට ඉඩ නොදීම, වාහන නවතා තැබීමේදී මංතීරු අවහිර නොකිරීම සහ මගී ප්රවාහන බස් රථ බස් නැවතුමේ පමණක් නැවැත්වීම ද ඊට ඇතුළත් වෙයි.
No comments:
Post a Comment